Femnas

Femnas

Pincada, dreita, 'la me fasiá paur. Petitona, ausave pas li parlar...

'La me fasiá paur, d'una paur que solament los petits pòdon sentre. Sortissiá de sa dreitura saique que se podiá pas d'imaginar. Quò sentiá le silence, le mistere, saique que se ditz pas. Lai i teniá quasi 'na besunha qu'empaichava la tendressa, qu'empaichava los potons. Demorava n'estrangeira. 'La me fasiá paur...

Bien plantada sobre sos pès, bailava le dreit de se'n 'nar 'mei las machinas que rofavan dins quela campanha dau país d'ès Tiern.

I pense 'mei quos que se'n vaidon 'mei lhors batèls prendre le chamin de la mar : regardan franc dreit d'ant lhos.

Mai lha, 'la regardava la linha dau fons dau cial, par veire 'rubar los trens...

Que 'cata la fiertat de las femnas par levar la testa, diable que diable ?

De femnas de tots atges, de las 'nadas 1900 taiqu'a avora. De racontes escriuts en occitan d'Auvernhe, dins una lenga simpla e pas barjacaira - que las paraulas i prenon mai de pes.