Fiche technique
Format : Broché
Nb de pages : 181 pages
Poids : 320 g
Dimensions : 16cm X 25cm
ISBN : 978-2-8240-0671-0
EAN : 9782824006710
La Revolucion
roman istoric
Quatrième de couverture
Li Roges dau Miegjorn
Tòme Ier : la revolucion
Li Roges dau Miegjorn es lo primièr libre de la trilogia del meteis nom de Fèliç Gras, e es lo sol libre d'aquela trilogia editat del temps de l'autor, en 1896. Los autres dos, « La Terror » e « La Terror Blanca » esperaràn lo sègle XXI per èstre editats en occitan per « Prouvènço d'Aro ».
L'autor, jovenòt, aviá conegut Pascau, un vièlh sabatièr que, plan jove, « montèt » a París ambe lo Batalhon Marselhés en 1789. Lo roman li balha la paraula que servís d'entrada a l'epopèa revolucionària. La « montada » cap a París es a l'encòp un roman d'aventuras e una evocacion poderosa del vam revolucionari.
Dins aquel roman istoric - lo primièr en occitan - daissa passar un buf istoric plan fòrt que l'autor a l'engenh de pénher los tablèus animats per la multitud. Lo raconte avança a travèrs de scènas grandiosas ritmadas pels cants revolucionaris. Viatge de « Tres cènts lègas au pas de carga » entrecopat per las aventuras d'un amor d'enfança entre Pascalet e Adelina - dròlla d'un marqués - secutats totes dos per de bregands que se vòlon apropriar los bens de la dròlla aprèp aver assassinat son paire.
La lenga de l'autor, populara e pintoresca, conven remirablament a-n aquela cronica dels batalhons dels « Roges dau Miegjorn » fogosa e colorada.
