Lo roman de Renart

Arrevirada en occitan gascon de Felip Biu

Nau aventuras deu Roman de Renart en occitan entà amiar los escolans de collègi e de licèu a descobrir (o tornar descobrir) aquera òbra patrimoniau de la literatura. Ja que la hascan léger aus mainats despuish mei de cent ans, Renart qu'ei de non pas frequentar : ne'u volerem pas com amic, ni quan seré com coneishut ! Renart en lo monde qu'ei un maishant, l'incarnacion de la pensada òrra : « l'aute » n'a pas nada valor. Totun, dab la soa malícia costumèra, aqueth personatge millenari que ns'amia a ns'interrogar sus çò qui èm au hons de nos. De nos e deu noste estar au monde.

Aqueste obratge qu'ei un utís linguistic dont l'estudi e vienerà enriquir los aprentissatges deus escolans qui benefician d'un ensenhament de e en occitan. En complement de las nau hèitas presentadas, que i son elements de contextualizacion de l'òbra, indicacions cronologicas e un lexic.