Los vèrbs conjugats

Los vèrbs conjugats. Memento verbal de l'occitan

« Qu'ei ua sintèsi doblaments engatjada de qui mos auhreish uei-dab eth seriosèr e era competéncia de qui l'au se coneg-Patrici Poujade, subera morfologia verbau occitana.

Engatjada bèth prumèr, per amor qu'ei eth desir patriotic de veir a arrecaptar era lor autonomia lingüistica peths occitans, toti parçans abarreja, de qui a empent e portat aqueth estudi.

Mès engatjada tanben, per amor qu'aqueste arrehilh dera tèrra d'Arièja, a on lengadocian, catalan e gascon e frairejan dempús tostemps, be sap que non i pòt aver cap d'unitat vertadèra qu'ena diversitat.

Que'n sia frairauments arregraciat ! »

Los vèrbs conjugats. Memento verbal de l'occitan n'es a la siá tresena edicion. Per l'escasença la presentacion es estada cambiada e lo contengut aumentat. Atal, en mai dels paradigmas complèts d'un centenat de vèrbs e los quadres de las variantas regionalas, las nòtas son estadas amplificadas e es, ara, una lista de mai de 2 750 vèrbs que presentan una particularitat de conjugason qu'es porgida. Per aquò, lo memento se pòt utilizar a dos nivèls : lo primièr, en s'apiejant suls quadres, per trobar una informacion rapida a partir dels modèls prepausats ; lo segond en permetre de retrobar una forma mai locala e tanplan autentica de conjugason.